每個人急需資金周轉嘅原因都唔同，有人可能係為咗裝修新居、搞結婚；亦都有人可能需要一筆流動資金應付突如其來嘅額外開支，呢個時間嘅你或者會覺得徬徨而考慮申請貸款。開始上網搜尋借貸網站時，你會發覺原來貸款都有分「私人貸款」同「循環貸款」，到底呢兩種貸款有咩分別？邊一種先最適合你現時嘅周轉需要？
私人貸款（Personal Loan）主要特點
- 財務公司會根據你嘅申請、所提交之文件進行審核，批核後會一次過將批核金額入落你戶口。
- 利率固定，等你容易啲預算每月開支。
- 固定還款期，可按照預定日子每月還款，還款期一般由 ６個月至 60 個月不等。
- 如果你想喺合約期完結前一次過清還欠款，某些財務機構可能會收取手續費或罰息。
- 如果需要額外資金作周轉，就要另外申請新嘅貸款。
呢類貸款產品適合有明確資金用途嘅申請者，有清晰財務規劃，可預期將來有能力定期還款。
參考例子：假設你計劃安排子女來年去外國升學，並需要為佢支付一筆為數不少嘅學費，你可以透過私人貸款獲得呢筆資金，並喺將來定期償還，攤開負擔。
循環貸款（Revolving Loan）主要特點
- 財務機構會批出一個信貸額度，呢筆貸款就係你嘅備用資金，有需要先單次或分次提取，亦可以隨時還款，隨借隨還。
- 同私人貸款唔同嘅係，循環貸款嘅利息只會根據你攞咗幾多錢同用咗幾多日而逐日計算，如果你申請咗但冇提取過錢，係唔會產生利息；但要注意銀行或財務機構有可能會收取年費／手續費。
- 循環使用，靈活性高。當你還款之後，信貸額度會即時還原，你可以隨時再提取現金，唔使重新再申請。
當你有突發性、短期資金需要，又或者收入唔穩定人士而又需要現金周轉，循環貸款就係你可以優先考慮嘅方案。
參考例子：假設你係收入唔穩定人士，收入時多時少，又或者不時需要應急資金，循環貸款就可作為流動資金，靈活應對唔同生活上嘅財務狀況。
安信循環貸款：你嘅最強備用現金
安信循環貸款可以為你提供特大備用現金信貸額，畀你隨時提取現金，不設固定還款期及還款額，幾時還同還幾多由你話事，一有需要就用得，而且申請手續簡易快捷，唔使露面，網上或手機 App 就搞掂。
安信循環貸款受條款及細則約束，詳情請按此。
無論係生意入貨想靈活周轉，定係想有筆錢傍身以備不時之需，安信循環貸款都係你最可靠嘅財務後盾，想知多啲同攞埋個優惠，即刻撳入嚟申請啦！